Rusiya Müdafiə Nazirliyi Voronej vilayətində üç pilotsuz təyyarənin vurulduğunu bildirib - ÖZƏL

Rusiyanın növbətçi hava hücumundan müdafiə sistemləri Voronej vilayəti üzərində Ukraynanın üç pilotsuz təyyarəsini vurub.

Olaylar.az xəbər verir ki, bu barədə Rusiya Müdafiə Nazirliyi məlumat yayıb.
"Bu il yanvarın 16-da saat 01:50-dən 02:50-dək Kiyev rejiminin Rusiya Federasiyası ərazisindəki hədəflərə təyyarə tipli PUA-dan istifadə etməklə terror aktı törətmək cəhdinin qarşısı alınıb", - deyə idarədən bildirilib. 
Müdafiə Nazirliyi hava hücumundan müdafiə qüvvələrinin Voronej vilayəti üzərində üç Ukrayna pilotsuz təyyarəsini vurmağa müvəffəq olduğuna aydınlıq gətirib.

Daha əvvəl bölgənin rəhbəri Aleksandr Qusev bildirib ki, ilkin məlumatlara görə, hücum nəticəsində itki yoxdur. Onun sözlərinə görə, bir yaşayış binasında eyvanda baş verən yanğın söndürülüb, iki yaşayış binasının və bəzi fərdi yaşayış evlərinin şüşələri sındırılıb. Qusev əlavə edib ki, ziyan dəymiş əmlakın sayını dəqiqləşdirmək üçün qapı-qapı araşdırması aparacaqlar.
"Biz ən qısa zamanda bütün vətəndaşlara yardım göstərəcəyik. Vəziyyəti nəzarətdə saxlayıram", - deyə rayon rəhbəri bildirib.