Ursula fon der Lyayenin təkrar Avropa Komissiyasının prezidenti seçilməsi sual altındadır

Ursula fon der Lyayenin yenidən Avropa Komissiyasının prezidenti seçilməsi sağçı partiyaların populyarlığının artması ilə bağlı sual altında ola bilər.

Olaylar.az xəbər verir ki, bu barədə "Politico" nəşri yazıb.

Nəşr yazır ki, 2019-cu ildə fon der Lyayenin namizədliyini Avropa İttifaqının avropapərəst partiyaları olan mühafizəkar Avropa Xalq Partiyası, sosialistlər və liberallardan ibarət koalisiya dəstəkləyib. Onların sayəsində Ursula fon der Lyayen lazım olan minimum səsdən cüzi yüksək - 383 səs - toplaya bilib.

"Ultrasağçıların bütün Avropada gücləndiyini nəzərə alsaq, fon der Lyayen təkrar qələbə qazanmaq cəhdində çətinliklərlə üzləşə bilər", - deyə nəşr yazır.

Qeyd edək ki, Ursula fon der Lyayenin səlahiyyətləri 2024-cü ilin noyabr ayında bitir.