Rusiyanın aktivlərini müsadirə etmədən Kiyev üçün vəsait toplamağın yolu tapılıb - ÖZƏL
Kiyev Moskvaya qarşı gələcək iddialarla təmin edilmiş istiqrazlardan 300 milyard dollar qazana bilər.
Olaylar.az xəbər verir ki, Ukrayna hökuməti Rusiyanın aktivlərini müsadirə etmədən vəsait əldə etməyin yolunu tapıb.
Agentliyin fikrincə, təzminat istiqrazlarının istifadəsi xaricdə bloklanmış Rusiya aktivlərinin Ukraynaya ötürülməsi halında yarana biləcək problemlərin qarşısını almağa kömək edəcək. Lakin belə bir məbləği toplamaq o halda mümkün olacaq ki, qiymətli kağızları Qərb hökumətləri alsın. Analitiklər istiqrazları o qədər riskli adlandırırlar ki, onların alıcıları böyük endirim tələb edə bilər və Ukrayna "300 milyard dollara yaxın heç nə" almayacaq.
PGIM Sabit Gəlirlər üzrə baş qlobal iqtisadçı Dalip Sinqin sözlərinə görə, Kiyev qiymətli kağızları bir neçə tranşa bölə bilər. Qərb hökumətləri ən riskli olanları alacaq, daha az riskli sənədlər isə adi investorlarda qalacaq. Bu, Ukraynanın istiqrazları satarkən etməli olacağı endirimin həcmini azaldacaq. Eyni zamanda, sərmayə investorlar üçün yalnız Ukrayna münaqişədən dəyən zərərə görə Rusiyadan təzminat alacağı təqdirdə öz bəhrəsini verəcək və Moskvanın könüllü şəkildə ödəməsi mümkün olmayacaq.
ABŞ-ın Milli Təhlükəsizlik Şurası 2024-cü il yanvarın 11-də Rusiyanın Qərbdə bloklanan 300 milyard dollarlıq aktivinin Ukraynanın xeyrinə müsadirə edilməsinə icazə verən qanun layihəsini təsdiqləyib. Bloomberg mənbələri bu qərarı Vaşinqtonun Kiyevə sonrakı yardımda çətinlik çəkməsi ilə əlaqələndirib.
Rusiya prezidentinin mətbuat katibi Dmitri Peskovun sözlərinə görə, Qərb ölkələrinin hakimiyyətinin bu cür hərəkətləri "dərin nəticələrə" səbəb olacaq və cavabsız qalmayacaq. Kreml ABŞ rəhbərliyinin niyyətlərini qeyri-qanuni adlandırıb və Rusiyanın Qərbdə bloklanan aktivlərinin müsadirə ediləcəyi təqdirdə əks tədbirlər görəcəyini vəd edib. Bloomberg-in daha sonra xəbər verdiyi kimi, Rusiya Ukrayna iqtisadiyyatını və dağılmış infrastrukturu bərpa etmək üçün dondurulmuş aktivlərin bir hissəsinin müsadirə edilməsinin qarşısını almaq üçün məhkəmələrə hazırlaşır.