Rusiyanın 2023-cü ildə büdcə kəsiri ilkin olaraq 36,4 milyard dollar təşkil edəcək – ÖZƏL

"2023-cü ildə Rusiyanın federal büdcəsinin kəsiri 3,24 trilyon rubl (36,4 milyard dollar) təşkil edib".
Olaylar.az xəbər verir ki, bu barədə məlumatı Maliyyə Nazirliyi verib.
"İlkin hesablamalara görə, 2023-cü ildə federal büdcənin gəlirləri 29,123 trilyon rubl təşkil edib ki, bu da 2022-ci ildə əldə edilən gəlirlərin həcmindən 4,7% çoxduri", - nazirliyin bəyanatında deyilir.
İlkin olaraq, 2023-cü ildə federal büdcənin xərcləri əvvəlki illə müqayisədə 4% artaraq 32,364 trilyon rubl (364 milyard dollar) təşkil edib.
Nazirliyin əvvəllər açıqladığı rəqəmlərə görə, Rusiyanın federal büdcəsinin kəsiri 11 ayda 878 milyard rubl (9,8 milyard dollar) təşkil edib.
Nazirlik qeyd edib ki, 2023-cü ilin yanvar-dekabr aylarında gəlir axınının və xərclərin maliyyələşdirilməsinin dinamikası federal büdcənin büdcə haqqında qanunla təsdiq edilmiş struktur balansının məqsədyönlü parametrlərinə uyğun icrasını vurğulayır:
"Ümumilikdə, 2023-cü ildə federal büdcə xərclərinin həcmi büdcə haqqında qanunla təsdiq edilmiş büdcə müddəalarının yuxarı həddi və əlavə qeyri-neft və qaz gəlirlərinin məbləği (fiskal qayda normalarına uyğun) əsasında icra edilib. Bu, büdcə haqqında qanunun parametrləri səviyyəsində ilkin struktur kəsirinin sabitliyini təmin edib", - nazirlikdən bildirilib.