Ermənipərəst ABŞ senatoru 400 minlik qızıl külçələr şəklində rüşvət alıb - Yeni detallar üzə çıxıb

ABŞ Konqresindəki ermənipərəst senator Bob Menendezin qızıl külçələr şəklində rüşvət aldığı iddia edilir.

Olaylar.az Trend-ə istinadən xəbər verir ki, o hazırda federal prokurorlar tərəfindən istintaq altındadır.

Məlumata görə, 400 min dollar dəyərində qiymətləndirilən qızıl külçələr ona Fred Daibes adlı tərtibatçı tərəfindən verilib. Bundan başqa, Daibesin federal bank ittihamları ilə üzləşdiyi üçün 10 illik mümkün həbs cəzasından yaxa qurtarmaq məqsədilə Menendezə rüşvət verib.

Xatırladaq ki, erməni lobbisi ilə korrupsiya əlaqələrinə görə hal-hazırda ABŞ Federal Təhqiqatlar Bürosunun istintaqı altında olan senator Menendez 13 sentyabr 2023-cü ildə ABŞ Senatında təşkil etdiyi dinləmələrdə anti-Azərbaycan bəyanat verib.