Alternativ taxıl dəhlizinə daxil olan ikinci gəmi Ukrayna limanını tərk edib - ÖZƏL

Olaylar.az xəbər verir ki, Ukraynanın Qara dənizdəki  alternativ taxıl dəhlizi ilə Çernomorsk limanına üz tutan Palau bayraqlı "Aroyat" gəmisi 17,6 min ton buğda ilə limandan çıxıb və Misirə gedib . Bu barədə Ukraynanın infrastruktur naziri Aleksandr Kubrakov məlumat verib.

Onun sözlərinə görə, bu, ikinci gəmidir ki, Asiya ölkələrinə kənd təsərrüfatı məhsullarının ixracı məqsədilə mülki gəmilərin Ukrayna limanına daxil olması üçün müvəqqəti dəhlizdən istifadə edib.

Kubrakov bildirib ki , gəminin heyəti Azərbaycan , Albaniya , Belçika , Misir və Türkiyə vətəndaşlarından ibarətdir .

Həmçinin bu ay "Resilient Africa" yükdaşıyıcısı Çernomorskdan 3 min ton buğda daşıyıb. Hər iki gəmi sentyabrın 16-da Çernomorsk limanına daxil olub.