İsveçrə ictimai yerlərdə üz örtüklərini qadağan edir - ÖZƏL

Olaylar.az xəbər verir ki, İsveçrə referendumdan iki il sonra burkanı qadağan edən qanun qəbul edib. 

İsveçrə parlamenti ümumxalq səsverməsində ölkə əhalisinin 51%-nin bu tədbiri dəstəkləməsindən iki il sonra burkaya qadağa qoyub.

İndi bu qadağanı pozanları min İsveçrə frankı (təxminən 1033 avro) məbləğində cərimə gözləyir. İctimai yerlərdə bu üst paltarı geyinənlərə cərimə tətbiq olunacaq. Agentliyin məlumatına görə, istisna dini mərasimlər üçün nəzərdə tutulmuş yerlərdir. Qadağaların tibbi üz maskalarına və ya karnaval maskalarına təsir etməyəcəyi də aydınlaşdırılıb.

Mənbənin sözlərinə görə, qanun üzü örtən hər hansı geyim və ya aksessuarların geyməsinə görə cəza nəzərdə tutur, lakin İsveçrənin Mərkəzi İslam Şurası bəyan edib ki, onun qəbul edilməsi ölkədə islamofobiyanın yayılmasından xəbər verir.