Norveç Rusiya avtomobillərinin ölkədə istifadəsini məhdudlaşdırmağı planlaşdırır - ÖZƏL

Norveç Xarici İşlər Nazirliyi ölkədə Rusiya avtomobillərinin istifadəsini məhdudlaşdırmaq üçün çalışır. Olaylar.az  xəbər verir ki, bu barədə  Norveç Xarici İşlər Nazirliyinin dövlət katibi Eyvind Vad Peterson məlumat yayıb. 

" Finlandiya kimi , Norveç də Rusiyada qeydiyyatdan keçmiş avtomobillərin Norveçə idxalına və istifadəsinə məhdudiyyətlər tətbiq edəcək. Biz indi bunun necə təşkil oluna biləcəyini öyrənirik və tez bir zamanda effektiv tədbirlər təqdim edəcəyik", - deyə dövlət katibi bildirib.

Norveç idxalı qadağan edib, lakin Rusiya nömrəli avtomobillərdən müvəqqəti istifadəyə icazə verib.

Rusiyada qeydiyyatda olan avtomobillərin ölkəyə girişinə qadağa  sentyabrın 13-dən etibarən Latviya , Litva və Estoniyada tətbiq olunmağa başlayıb . Finlandiya oxşar tədbirləri sentyabrın 16-da tətbiq edib . Norveç Rusiya Federasiyası ilə həmsərhəd olan son Şengen ölkəsi  olaraq qalır və ruslar hələ də avtomobillə daxil ola bilərlər.