Avropa Komissiyası ukraynalı qaçqınları daha bir il müvəqqəti olaraq qorumağı təklif edib - ÖZƏL

Olaylar.az xəbər verir ki? Avropa Komissiyasının nümayəndəsi Anita Hipper bildirib ki, AK sentyabrın 19-da Aİ-də ukraynalı qaçqınlar üçün müvəqqəti müdafiə mexanizminin  bir il müddətinə 2025-ci ilin martına qədər uzadılmasını təklif edib. 
"Avropa Komissiyası bu gün Aİ Şurasına mexanizmin müddətini 2024-cü ilin martından 2025-ci ilin martına qədər bir il uzadmağı təklif etdi" deyə Hipper bildirib.
Bundan əvvəl Polşa hökumətinin sözçüsü Piotr Müller ölkəyə gələn ukraynalılar üçün müavinətlərin daimi olmadığını söyləyib. O, həmçinin qeyd edib ki, dəstək tədbirlərinin uzadılması ilə bağlı qərar hələ qəbul edilməyib.
Sentyabrın 18-də Polşa, Macarıstan və Slovakiya taxıl tədarükü ilə bağlı problemlər üzrə Avropa Komissiyasının (AK) koordinasiya platformasında iştirakdan imtina edib. Dövlətlər Kiyevin qarşılıqlı fəaliyyət zamanı əldə etdiyi məlumatlardan onlara qarşı istifadə edə biləcəyindən ehtiyat edərək bu addımı atmağa qərar veriblər.