Rusiya Çin və Şimali Koreya ilə birgə hərbi təlim keçirməyi planlaşdırır- ÖZƏL
Cənubi Koreyanın hakim Xalq Gücü Partiyasının (PPP) deputatı Yoo Sanq-Bum Rusiyanın Çin və Şimali Koreya ilə üçtərəfli dəniz təlimləri keçirməyi təklif etdiyini iddia edib.
Yoo iddia edib ki, Şoyqunun Şimali Koreya lideri Kim Yonq-unla ikitərəfli görüşü zamanı Çin və Şimali Koreya ilə üçtərəfli dəniz təlimi keçirmək planı gündəmə gəlib.
Son zamanlar Şimali Koreyanın hərbi təxribatlarının artdığını deyən Yoo, təlim planının Cənubi Koreya və ABŞ-ın təşkil etdiyi "Ulchi Freedom Shield (UFS)" birgə hərbi təliminə cavab olaraq hazırlandığını müdafiə edib.
Digər tərəfdən, Rusiyanın Pxenyandakı səfiri Aleksandr Matseqora Rusiyanın TASS xəbər agentliyinə verdiyi müsahibədə Şimali Koreya ilə Rusiya arasında ikitərəfli siyasi əlaqələrin yüksəlişdə olduğunu və Birləşmiş Millətlər Təşkilatının Təhlükəsizlik Şurasının tətbiq etdiyi sanksiyaların (( BMGK) bu əlaqələrin inkişafına mane olmadığını bildirib. Matseqora Şimali Koreyanın Rusiya və Çini birgə hərbi təlimlərə qatmasının məqsədəuyğun olacağını qeyd edərək, bunun onun şəxsi fikri olduğunu bildirib.