Aİ G20-də Putin və Si Cinpinin iştirak etməməsindən istifadə etmək qərarına gəlib- ÖZƏL

Avropa İttifaqı Qlobal Cənub ölkələri ilə əlaqə saxlamaq üçün Hindistanda keçiriləcək G20 sammitində Rusiya prezidenti Vladimir Putin və Çin lideri Si Cinpinin iştirak etməməsindən istifadə etməyə hazırlaşır. Bu barədə Bloomberg məlumat yayıb.

Agentliyin məlumatına görə, tədbir çərçivəsində Afrika liderləri ilə görüşlər zamanı ünsiyyət qurmaq cəhdi baş verə bilər.

Mənbələr əlavə edib ki, "Çin və Rusiya liderlərinin Yeni Dehlidə keçiriləcək iki günlük görüşdə iştirak etməməsindən Aİ  istifadə etmək istəyir". Bildirilir ki, Avropa İttifaqı Afrika ilə əməkdaşlıqla bağlı dəyişiklikləri nümayiş etdirmək niyyətindədir.İclaslarda iştirak edəcəyi gözlənilənlər arasında AK prezidenti Ursula fon der Leyen, Avropa Şurasının sədri Şarl Mişel və Almaniya kansleri Olaf Şolz da var.

G20 sammiti 9-11 sentyabr tarixlərində Hindistanın paytaxtında üzbəüz formatda keçiriləcək. Forumda Rusiyanı xarici işlər naziri Sergey Lavrov təmsil edəcək.