ABŞ koalisiyası Suriyadakı hədəflərə zərbələr endirib- ÖZƏL

ABŞ koalisiyasının qırıcı təyyarələri Suriyanın Homs əyalətində iki hədəfə hava zərbəsi endirib. Bu barədə Suriyada döyüşən tərəflərin barışdırılması üzrə Rusiya Mərkəzinin rəis müavini kontr-admiral Vadim Kulit məlumat yayıb.

Kontr-admiralın sözlərinə görə, hücumda dörd təyyarə - iki F-16 qırıcısı və iki F-35 təyyarəsi iştirak edib. 

"Təyyarələr Əl-Tanf zonası vasitəsilə Suriyanın hava məkanını pozaraq Homs vilayətində iki hədəfə hava zərbəsi endirib. Qondarma koalisiya öz hərəkətləri ilə Suriyanın cənubunda gərginliyin azaldılması prinsipləri haqqında 8 noyabr 2017-ci il tarixli memorandumu pozdu", - deyə Kulit izah edib.

O əlavə edib ki, amerikapərəst koalisiya bu cür hərəkətləri ilə aviasiya qəzaları üçün təhlükəli ilkin şərtlər yaradır və Suriyada vəziyyətin gərginləşməsinə töhfə verir.