Aİ-dən taxıl dəhlizi bəyanatı: Biz BMT və Türkiyə tərəfindən aparılan danışıqları dəstəkləyirik- ÖZƏL

Olaylar.az xəbər verir ki, taxıl dəhlizi ilə bağlı bəyanat Avropa İttifaqından gəlib. Bildirilib ki, sazişin müddətinin uzadılması ilə bağlı Birləşmiş Millətlər Təşkilatı ilə Türkiyə arasında aparılan danışıqlara Avropa Komissiyası yardım edib. Rusiyanın xarici işlər naziri Sergey Lavrov da Türkiyənin orta yolun tapılmasını dəstəklədiyini bildirib.

Taxıl keçidinin müddəti iyulun 17-də başa çatır. Gözlər prosesin ən mühüm aktorlarından biri olan Türkiyədədir.

Rusiya-ASEAN Xarici İşlər Nazirləri Toplantısı üçün getdiyi İndoneziyada Rusiya xarici işlər naziri Sergey Lavrov da mövzu ilə bağlı açıqlamalar verib. O bildirib ki, Türkiyə Taxıl Sazişində orta nöqtənin tapılmasının tərəfdarıdır.

O, Rusiya taxılını emal etmək və ehtiyacı olan ölkələrə göndərmək üçün digər razılaşmalardan asılı olmayaraq Türkiyə ilə işləməyə hazır olduqlarını bəyan edib.

Mövzu ilə bağlı Aİ sözçüsündən də açıqlama verilib. Bildirilib ki, Avropa Komissiyası sazişin müddətinin uzadılması ilə bağlı BMT və Türkiyə arasında aparılan danışıqları dəstəkləyib.

Bəyanatda bildirilib ki, Aİ-nin prioriteti Ukrayna taxılının dünya bazarlarına çıxmasını təmin etməkdir.

O, həmçinin vurğulayıb ki, Avropa Komissiyası tərəfləri sazişin müddətini uzatmağa çağırıb. "Biz məqsədə töhfə verəcək bütün həll yollarını araşdırmağa hazırıq."