ABŞ əhalisinin orta yaşı sürətlə artır- ÖZƏL

Olaylar.az xəbər verir ki, ABŞ Siyahıyaalma Bürosunun məlumatına görə, ölkə əhalisinin orta yaşı tarixin ən yüksək səviyyəsinə çatıb. Siyahıyaalma Bürosunun açıqladığı yeni statistik məlumatlar amerikalıların orta yaşının 1980-ci ildə 30-a nisbətdə 38-dən yuxarı olduğunu ortaya qoyub. 2022-ci ilin iyul ayına qədər olan dövrü əhatə edən məlumatlar göstərdi ki, ABŞ əhalisi getdikcə qocalır və ölkədəkilər daha az uşaq sahibi olur. Məlumatlara görə, orta yaş həddi ən yüksək olan ştatlar Men (44,8) və Nyu-Hempşir (43,3), ən aşağı ştatlar isə ölkədə ən yüksək doğum göstəriciləri ilə Yuta (31,9) və Texas (35,5) ştatları olub. 2021-2022-ci illərdə ölkədə asiyalıların əhalisi 2,4 faiz, ispanlar 1,7 faiz, qaradərililər 0,9 faiz, ağlar isə 0,1 faiz artıb. Yerli Amerika əhalisi də 1,3 faiz artıb. Əhalinin qocaldığı ABŞ-da Kovid-19 epidemiyası ilə doğum nisbətləri sürətlə aşağı düşərkən, epidemiya dövründə əhali artımında təsirli olan immiqrantların sayı azaldı.