Kosmosda yaşam ümidi: Alimlər Enseladda fosfor aşkar ediblər- ÖZƏL

Olaylar.az xəbər verir ki, ilk dəfə olaraq yadplanetli okeanda fosfatlar aşkar edilib. Saturnun peyki Enseladın kəşfi  həyatın ola biləcəyi ehtimalını artırır. 

"The New York Times" yazır ki, Berlin Azad Universitetindən planetoloq Frank Postberqin rəhbərlik etdiyi tədqiqat Enseladda həyat üçün zəruri olan sonuncu elementi aşkar edib. Saturn kəşfiyyat vasitəsi Cassini tərəfindən toplanan məlumatlara əsaslanaraq, araşdırmalar buzla örtülmüş peykin altındakı qayalıq yerdə okeanda fosfatın olduğunu aşkar edib. Fosfat birləşməsində olan fosfor elementi DNT-nin strukturunda olur. Fosforun kəşfi və Enseladda həyat üçün lazım olan bütün elementlərə sahib olması peykin Yerdən kənarda həyat üçün "ən ideal" yer olacağı ehtimalını artırıb. Əvvəlki tədqiqatlar göstərirdi ki, fosfor yerdənkənar okeanlarda nadir olduğu üçün Günəş sistemində və ya qalaktikada həyat mövcud ola bilməz.

Fosfor kainatda ən nadir bio-əsas komponentdir və insan sümüklərinin çox hissəsini təşkil edir.