Qasırğa nəticəsində 700 nəfər yaralanıb- ÖZƏL

Olaylar.az xəbər verir ki, Banqladeş və Myanmaya təsir edən Moça qasırğasının yaratdığı sel və güclü küləklər nəticəsində 5 nəfər həyatını itirib, 700-dən çox insan isə yaralanıb. Myanmanın Rakhayn əyalətinin paytaxtı Sittvedəki Arakan Gəncləri Xeyriyyə Dərnəyindən verilən açıqlamada bölgə sakinlərinin daşqın riskinə qarşı hündürmərtəbəli binalara sığındığı, 700-dən çox insanın yaralandığı bildirilib. Yerli mətbuatda yer alan xəbərlərdə sürəti saatda 209 kilometrə çatan qasırğada axtarış-xilasetmə işləri zamanı 5 nəfərin cansız bədəninə çatıldığı bildirilib. Myanmada hərbi administrasiya rəsmilərinin bəyanatında güclü küləyin binalara və elektrik xətlərinə ziyan vurduğu, bəzi binaların dam örtüyünün uçduğu bildirilib. Güclü yağış və daşqınlara səbəb olan 5-ci kateqoriya olaraq təyin olunan Moça qasırğası ilə əlaqədar ölkənin qərb sahilindəki Arakan əyalətində fövqəladə vəziyyət elan edilib. Banqladeş və Myanmada Moça qasırğası səbəbindən sahilyanı ərazilərdə yüz minlərlə insan təxliyə edilib.