Alp dağları qlobal istiləşmə səbəbindən yaşıllaşır

Olaylar.az MK.RU-a istinadən xəbər verir ki, Kosmosdan iqlim dəyişikliyinin Alp dağları üçün nəticələri görünüb.

Bu barədə "Science" nəşri yazıb

Peyk görüntülərinin təhlili göstərdi ki, 1984-cü ildən bəri Alp dağlarında ağac xəttinin üstündəki bitki örtüyünün sahəsi 77% artıb. Bitki biokütləsindəki artım "mütləq kütləvi" bir fenomen olaraq təyin olundu.

Bazel İnstitutunun (İsveçrə) mütəxəssisləri izah ediblər ki, temperaturun artması və yağıntılar bitkilərin vegetasiya dövrünü uzadır. Beləliklə, onlar daha hündür və sıx olur, yeni əraziləri ələ keçirirlər.

Qeyd olunur ki, dağlıq ərazilərdə istiləşmə dünyanın digər regionlarına nisbətən iki dəfə sürətlə gedir. Müsbət təsir, bitkilərin "daha çox karbon tuta bilməsi" ilə əlaqədardır. Lakin alimlərin fikrincə, mənfi nəticələr daha geniş yayılıb. Beləliklə, əbədi buzlaqlar əriməyə başlayacaq və günəş enerjisinin əks olunması azalacaq.

Tədqiqatlara görə, dağlarda qar örtüyü azalır - ərazinin demək olar ki, 10%-i. İnstitutun alimləri bunu narahatedici tendensiya hesab edirlər.

Bu arada, gələcəkdə Alp dağlarının abadlaşdırılması insanlar üçün təhlükə yarada bilər. Məlumdur ki, aktiv ərimə sürüşmə, eləcə də qayaların uçması və sel təhlükəsini artırır.