Yaponiyada milyonlarla insan qripə yoluxub

Yaponiyada 2,2 milyondan artıq sakin qriplə xəstələnib.Bu barədə səhiyyə, əmək və firavanlıq nazirliyinə istinadla, "NHK" telekanalı xəbər verib.Qeyd olunur ki, 21-27 yanvar tarixlərində Yaponiya xəstəxanaları orta hesabla qripə yoluxmuş 57 min xəstəni qəbul edib. Bu, 1999-cu ildən bəri rekord göstərici sayılır.Tibb işçiləri əhaliyə əllərini tez-tez yumağı, maska geyinməyi və vaxtında həkimə üz tutmağı tövsiyə edirlər.Bu arada, ötən həftə ərzində Yunanıstanda qripdən 12 nəfərin öldüyü bildirilir.