“Şokdayıq, yardım gözləyirdik, Türkiyə hücum edəcək”

ABŞ ordusunun Suriyanı tərk etmək qərarı PKK-YPG terrorçularının təşvişinə səbəb olub.

Bu barədə "Foks Nyus" telekanalı informasiya yayıb.

"Hamı məyus və qorxmuş vəziyyətdədir. Bu tarixi bir səhvdir. ABŞ-ın bir parçası olmaq istədik. Hər tərəfimiz düşmənlə əhatələnib", - PKK-nın nəzarətindəki Kobani bölgəsinin sakinlərindən biri bildirib.

ABŞ-ın verdiyi qərardan şoka düşən terror qruplaşması dəstəkçiləri ABŞ hərbi bazası yaxınlığında aksiya keçiriblər. Aksiyaçılar öldürülən YPG terrorçularının fotolarını nümayiş etdiriblər.

"Bu, Türkiyənin bizə hücum edəcəyi anlamına gəlir. Şokdayıq, çünki İŞİD-dən sonra ABŞ-ın bizə yardım edəcəyini gözləyirdik", - YPG üzvü, 33 yaşlı Məzlum Kürdi deyib.

axar.az