Aşurbəyli: "Bu texnologiyanı ABŞ bizdən oğurladı"

Rusiyanın S-300 zenit raket kompleksini yalnız ABŞ-ın "Patriot" sistemləri ilə müqayisə etmək olar.

Bunu "Zvezda" televiziyasına müsahibəsində "Almaz Antey" şirkətinin keçmiş rəhbəri İqor Aşurbəyli deyib. O, Rusiyanın S-400-ləri hazırladığı məqamda ABŞ-ın bəzi məlumatları oğurlayaraq, öz sistemlərini müəyyən səviyyəyə çatdırdığını iddia edib.

Aşurbəylinin fikrincə, hələlik dünyada S-400 və S-500 sistemlərinin analoqu yoxdur.

Keçmiş direktor həmçinin Suriyaya S-300-lərin verilməsi məsələsinə də aydınlıq gətirib. O, bu sistemin sayəsində Suriya səmasını tətbiq ediləcək raketin növündən asılı olaraq, 150-250 kilometr məsafədə qorumağın mümkün olacağını bildirib.

axar.az