Qəzada ölən qızın nişanlısının əyləncə görüntüləri yayıldı - Dəvətnamələr paylanmışdı

"Başran Holdinq"in sahibi Hüseyin Başaranın qızı Mina Başaranın subaylığa vida partisi sonrası, Dubaydan İstanbula qayıdarkən şəxsi təyyarələrinin İranda qəzaya uğraması nəticəsində 7 rəfiqəsi və 3 ekipaj üzvü ilə birgə həlak olduğu faciədən 6 ay keçir.

Toylarına 2 ay qalmış Minanın qəzada faciəvi şəkildə dünyasın dəyişdiyinə görə üzüntüsü "yerə-göyə sığmır" deyildiyi nişanlısı Murat Gezerin yeni görüntüləri yayılıb.

Nişanlısının hər kəsi ağladan "ölüm elanı" ilə qəzetlərdə uzun müddət manşet olan Murat Gezer, dostları ilə Bodrumda yayın keyfini çıxarır.

Qeyd edək ki, 14 apreldə Murat Gezer ilə Mina Başaranın toyu olacaqdı. Dəvətnamələri də paylanmışdı.

Milli.Az