Millət vəkilləri NATO-nun Rouz-Rout seminarında iştirak edəcəklər

İyulun 3-dən 5-dək  Kiyevdə NATO Parlament Assambleyasının 95-ci Rouz-Rout seminarı keçiriləcək. Bu barədə Milli Məclisdən “Olaylar”a verilən məlumata görə, seminarda Milli Məclisin deputatları Məlahət İbrahimqızı və Kamran Bayramov iştirak edəcəklər. Ukrayna Ali Radası ilə birgə keçiriləcək “Təhlükəsiz, sabit Ukraynaya doğru və Qara Dəniz regionu” adlı bu tədbir 6 sessiyadan ibarət olacaq.

İyulun 3-dən 5-dək  Kiyevdə NATO Parlament Assambleyasının 95-ci Rouz-Rout seminarı keçiriləcək. Bu barədə Milli Məclisdən "Olaylar"a verilən məlumata görə, seminarda Milli Məclisin deputatları Məlahət İbrahimqızı və Kamran Bayramov iştirak edəcəklər. Ukrayna Ali Radası ilə birgə keçiriləcək "Təhlükəsiz, sabit Ukraynaya doğru və Qara Dəniz regionu" adlı bu tədbir 6 sessiyadan ibarət olacaq. Sessiyalarda Rusiya, NATO və Qara Dəniz regionu, NATO-Ukrayna Xartiyasının 20 illiyi, Donbasda humanitar və hərbi vəziyyət, Krımda siyasi və insan hüquqları, Ukraynanın islahat gündəliyi və daxili çağırışlar, Ukrayna-NATO inteqrasiyası, Qara Dəniz regionunda inkişafın dəstəklənməsi, Moldovada siyasi və iqtisadi vəziyyət və digər mövzularda müzakirələr aparılacaqdır. Milli Məclisin  deputatları gündəlikdəki məsələlərlə bağlı çıxışlar edəcək, qeyd və təkliflərini bildirəcəklər.