Binəqədidəki çimərlik ərazilərdə təmizlik işləri aparılıb

"Bakı 2015" ilk Avropa Oyunlarına hazırlıq məqsədilə keçirilən "Təmiz Binəqədi" layihəsi çərçivəsində növbəti aksiya həyata keçirilib. "OLAYLAR"-a daxil olan məlumata görə, Binəqədi Rayon İcra Hakimiyyətinin təşəbbüsü ilə baş tutan aksiyada rayon ictimaiyyəti və könüllü gənclər Binəqədi rayonunda yerləşən çimərlik ərazilərində təmizlik işləri aparıb və əhalini layihə ilə ətraflı tanış edib, sakinlərə maarifləndirici təbliğat vasitələri paylanıb. Daha sonra aksiya iştirakçıları çay süfrəsi ətrafında layihə ilə bağlı müzakirələr aparıb, gənclərin asudə vaxtının səmərəli keçirilməsi üçün əyləncə təşkil edilib.