Gənclərin mədəni irs və turizm forumu keçiriləcək

Fevralın 1-2-I tarixlərində "MİRAS" Mədəni İrsin Öyrənilməsinə Kömək İctimai Birliyinin təşkilatçılığı ilə  "Gənclərin I beynəlxalq mədəni irs və turizm forumu" keçiriləcək. "OLAYLAR"-ın xəbərinə görə, "Araşdır, qoru və təbliğ et!" şüarı ilə keçiriləcək foruma müxtəlif ölkələrdən yaşı 35-ə qədər olan gənclər dəvət edilib. Sonda həm məruzəçilər , həm də iştirakçılara sertifikat veriləcək. Forumun məqsədi gəncləri bir araya gətirərək müxətlif ölkələr arasında mədəniyyət, mədəni irsin qorunması və öyrənilməsi, turizm və onun yeni sahələri istiqamətində əməkdaşlıq perspektivlərini genişləndirmək, yeni ideyaların mübadiləsinə və uğurlu təcrübələrin geniş tətbiqinə nail olmaqdır. Forumda Azərbaycanla yanaşı, Türkiyə, İran, Gürcüstan, Rusiya, İtaliya, Makedoniya, Hindistan, Fransa, Almaniya, İspaniya, Misir və başqa ölkələrdən olan gənclərin də iştirakı nəzərdə tutulub.