Yunus Oğuz Turan Balabilgə Akademiyasının fəxri üzvü seçilib – ÖZƏL

Olaylar.az xəbər verir ki,  tanınmış yazıçı-publisist və tədqiqatçı Yunus Oğuz  Türk Dünyası adına apardığı  araşdırmalar və xidmətlərinə  görə Turan  Balabilgə  Akademiyasının fəxri üzvü seçilib.

Qeyd  edək ki,  Qazaxıstanın Almatı şəhərində fəaliyyət göstərən Turan Universitetində təsis edilən Turan Akademiyasının ilk toplantısında  Bakıda Hədəf Liseyinin bazasında Turan Balabilgə Akademiyasının yaradılması qərara alınıb.

Hədəf Şirkətlər Qrupunun qurucu direktoru, fil.ü.f.d., dosent Şəmil Sadıqovun  verdiyi  məlumata  görə  yeni Akademiyanın məqsədi ortaq Türk mədəniyyəti, tarixi, dili və elmi ənənələrinin araşdırılması və təbliği, türkdilli ölkələr və icmalar arasında elmi-mədəni əməkdaşlığın gücləndirilməsi, məktəblilər arasında əlaqələrin genişləndirilməsi və innovativ təhsil təşəbbüslərinin inkişafına töhfə verməkdir.

Turan Balabilgə Akademiyasının təsis yığıncağı 2025-ci il 5 dekabr tarixində Bakıda keçiriləcək.