Şahin Həsənov yüksək mükafata layiq görülüb

Qırğızıstan dövlətinin Nəqliyyat və Komunikasiya Nazirliyi tərəfindən həmyerlimiz, "Azvirt" MMC-nin Qırğızıstan filialının direktor müavini Şahin Hümmət oğlu Həsənov   yüksək mükafata layiq görülüb. Şahin Həsənov "Bişkek-Oş avtomobil yolunun yenidənqurulması",  "Mədəniyyət qəsəbəsindən Cəlal-Abad şəhərinədək olan hissə" (67 km) layihəsinin icrasının yüksək səviyyədə, keyfiyyətlə yerinə yetirilməsinə görə dövlət medalı ilə mükafatlandırılıb.   Qeyd edək ki, "Bişkek-Oş" avtomobil yolu  Qədim İpək yolunun üzərində yerləşir.  Sözügedən avtomobil yolu  böyük tranzit imkanlarına malik olmaqla beynəlxalq yol kimi mühüm əhəmiyyət kəsb edir.