Bakı metrosunda ölən şəxsin kimliyi məlum oldu

Bakı metrosunda ölən kişinin kimliyi məlum olub.

Bu barədə "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov Trend-ə məlumat verib.

Onun sözlərinə görə, həyatını itirən şəxs 1965-ci il təvəllüdlü Xəqani Hüseynovdur.

Xatırladaq ki, bu gün səhər saat 07:45 radələrində metronun "20 yanvar" stansiyasında bir sərnişin halı pisləşdiyi üçün qatardan düşürülüb.

Dərhal ilkin yardım göstərilib, təcili tibbi yardım çağırılıb. Təcili tibbi yardımın bütün səylərinə baxmayaraq, sərnişin dünyasını dəyişib.