Həcc ziyarətinə sənəd qəbulu başa çatdı

Azərbaycanda Həcc ziyarətinə sənəd qəbulu artıq başa çatıb və kvotada nəzərdə tutulan 680 yerin hamısı üçün müraciət edilib. Bu barədə Qafqaz Müsəlmanları İdarəsindən "Olaylar"a verilən məlumatda bildirilib. Rəsmi məlumata görə, zəvvarlar iyun ayının 29-30-u və iyul ayının 1-2-si Həcc ziyarətinə yola düşəcəklər, iyulun 19-20-si isə geri dönəcəklər. Qeyd edək ki, bu il Həcc ziyarəti üçün Səudiyyə Ərəbistanı Azərbaycana 680 nəfərlik kvota verib.