İnstaqram və Tiktok istifadə edənlər izlənilir - Bu funksiyanı dərhal söndürün

İnternetdə baxdığınız bir məhsulun saniyələr ərzində Instagram, Facebook və TikTok lentinizdə reklam olaraq qarşınıza çıxması təsadüf deyil. Mütəxəssislər sosial media nəhənglərinin tətbiq xaricindəki bütün internet tarixçənizi qeyd edən izləmə mexanizmini açıqlayıblar.

Milli.Az xəbər verir ki, Google-da axtardığınız bir otelin və ya alış-veriş saytında baxdığınız bir ayaqqabının qısa müddət sonra sponsorlu məzmun kimi qarşınıza çıxması cihazınızın mikrofonundan qaynaqlanmır. Kiber təhlükəsizlik şirkəti McAfee-nin Texnologiya Direktoru Stiv Qrobman bunun arxasında "Meta Pixel" və "TikTok Pixel" kimi tətbiq xarici izləmə vasitələrinin dayandığını açıqlayıb.

Ziyarət etdiyiniz saytların kodlarında gizlənən bu hissəciklər hər klikinizi dərhal həmin platformaların serverlərinə ötürür. Bu sistem telefon nömrənizdən tutmuş fotoşəkillərinizin gizli məkan məlumatlarına qədər geniş bir profil yaradır.

Tətbiqlərin digər saytlar üzərindəki izləmə səlahiyyətini kəsmək və yığılan tarixçəni təmizləmək üçün aşağıdakı addımları tətbiq edin:

İnstagram və Facebook üçün: Profilinizdəki menyudan Ayarlar bölməsinə daxil olub ən üstdəki Meta Hesablar Mərkəzi (Accounts Center) sahəsini açın. Məlumatlarınız və icazələriniz> Meta texnologiyalarından kənardakı fəaliyyətlər yolunu izləyərək əvvəlcə yığılan tarixçəni təmizləyin, daha sonra Gələcək fəaliyyətlərin əlaqəsini kəs seçimini aktivləşdirərək izləməni dayandırın.

TikTok üçün: Profilinizdə sağ üstdəki üç xətt (menyu) işarəsinə toxunub Ayarlar və məxfilik bölməsinə girin. Reklamlar> TikTok xaricindəki fəaliyyətlər sekmesini açaraq Bütün fəaliyyətləri təmizlə deyin və məlumat paylaşımı düyməsini bağlayın.

Bu ayarları bağladığınız zaman reklamlar tamamilə bitmir, lakin hədəflənmiş reklamlar dayandırıldığı üçün qarşınıza artıq yalnız təsadüfi məzmunlar çıxır.