“TEKNOFEST Azərbaycan”a nə qədər bilet satılıb?

"TEKNOFEST Azərbaycan" Aerokosmik və Texnologiya Festivalının son iki günü üçün biletlər artıq tam satılıb.

Olaylar.az  "İticket.az" saytında qeyd edilən məlumatlara əsasən xəbər verir ki, festivalın ikinci gününə, mayın 27-si tarixinə satışda 16 minə yaxın bilet qalıb. Bu gün üçün isə satışda təxminən 4 minə yaxın bilet qalıb. Mayın 28-29 tarixlərinə festivala giriş üçün bütün biletlər tam olaraq satılıb.

Qeyd edək ki, bu il mayın 20-si tarixinə olan məlumata əsasən, 45 682 ziyarətçi qeydiyyatdan keçib, akkreditasiya sayı isə 9 897-dir.