Küçədə tapılan 11 yaşlı iti 2 saat tükdən təmizlədilər, BELƏ OLDU - FOTO-VİDEO

"KC Pet Project" heyvanlar sığınacağının əməkdaşları küçədən tapılan iti xilas ediblər.

Saymon adı qoyulan 11 yaşlı iti tüklərdən təmizləməyə sığınacağın iki əməkdaşı 2 saatdan çox vaxt sərf edib.

Sığınacağa ilk gəldikdə bədəni ağır yunla örtüldüyünə görə Saymonun şi-tzu cinsindən olduğunu müəyyən etmək çətin olub. Çətinliklə yeriyən itin üzündəki tüklər onun görməsinə də mane olub.

2 saatdan çox davam edən "əməliyyat"dan sonra 9 kiloqramlıq Saymonun üzərindən 3 kiloqram çirkli yun kəsilərək atılıb.

Təəssüf ki, itin səhhətində təcili müalicəyə ehtiyacı olan problemlər aşkarlanıb. O, hələ də çətinliklə yeriyir, lakin artıq sağlam dəriyə sahibdir.

Natəvan Baxşiyeva