Keçmiş məhkumda narkotik aşkar edilib

Narkotiklərin qanunsuz dövriyyəsində şübhəli bilinən Kürdəmir rayon sakini T.Məmmədov saxlanılıb. Daxili İşlər Nazirliyindən "Olaylar"a verilən xəbərə görə, Baş Narkotiklərlə Mübarizə İdarəsi əməkdaşlarının daxil olmuş məlumat əsasında Nəsimi rayonu ərazisində keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Kürdəmir rayon sakini, əvvəllər məhkum olunmuş T.Məmmədov saxlanılıb. Şəxsi axtarış zamanı ondan 5 qrama yaxın marixuana, 1 kiloqram heroin və 101 qrama yaxın metamfetamin aşkar edilərək götürülüb.