Azərbaycana gətiriləcək vaksin və onun şprisləri 2 il müddətində vergidən azad olunur

Milli Məclisin bugünkü iclasının gündəliyinə iki məsələ əlavə olunub. "Olaylar" xəbər verir ki, bu barədə spiker Sahibə Qafarova məlumat verib. Spiker  qeyd edib ki, cənab Prezident tərəfindən 2 yeni qanun layihəsi baxılması üçün Milli Məclisə göndərilib: "Bunlar təxirəsalınmaz layihələrdir".

Xatırladaq ki, bunlar Vergi Məcəlləsində və "Dövlət borcu haqqında" qanun layihəsinə ediləcək dəyişikliklərdir. Vergi Məcəlləsinə təklif edilən dəyişikliklərdə nəzərdə tutulur ki, koronavirus pandemiyası ilə əlaqədar olaraq Azərbaycana gətiriləcək vaksin və onun şprisləri 2 il müddətində vergidən azad olunur.