Paytaxtda toy təşkil etmək istəyən şəxslər saxlanılıb

Suraxanı Rayon Polis İdarəsinin 31-ci Polis Bölməsi əməkdaşları rayon ərazisində "Xonça" restoranında təşkil edilən toy mərasiminin keçirilməsinin qarşısını alıb. DİN-dən "Olaylar"a bildirilib ki, mərasim zalının icarədarı, paytaxt sakini R.Həsənli, toyun təşkilatçısı Suraxanı rayon sakini B.Babayev və toy zamanı orada olan 60-a yaxın şəxs saxlanılaraq 31-ci PB-yə gətiriliblər. Araşdırma zamanı B.Babayevin karantin qaydalarını pozaraq oğluna toy təşkil etmək istədiyi məlum olub. Karantin rejimi qaydalarını pozan həmin şəxslər barəsində qanunvericiliyə uyğun olaraq tədbir görülüb. Araşdırmalar aparılır.