Türk Hava Yolları beynəlxalq uçuşlara qoyduğu məhdudiyyəti uzatdı

Koronavirus pandemiyası səbəbindən ölkədaxili və beynəlxalq uçuşları daha əvvəl aprelin 17-nə qədər dayandıran Türkiyənin "Türk Hava Yolları" aviaşirkəti bu müddəti mayın 1-dək uzadıb.

Olaylar.az bildirir ki, bu barədə aviadaşıyıcının rəsmi saytında məlumat verilib.

Mayın 1-nə qədər ölkədaxili reyslər isə yalnız Adana, Ankara, Antalya, Diyarbəkir, Ərzurum, Qaziantəp, İstanbul, İzmir, Kayseri, Konya, Malatya, Samsun, Trabzon və Van şəhərlərinə həyata keçiriləcək.