Evdə qal-Oqtay Mədətov

OQTAY MƏDƏTOV

14 saylı  VƏKİL BÜROSUNUN VƏKİLİ

Yazıçılar Birliyinin üzvü

İş böyüdü, Qərar gəldi sonunda:

-Aman gündü, virus düşər, evdə qal.

Ara saxla dost-tanışın yanında,

Şeşələnmə təşər-təşər, evdə qal.

Aman gündü, virus düşər, evdə qal.

xxx

Niyə danaq, nə sonu, nə ucu var,

Qorxu bilməz hökmüdardı, tacı var,

Amansızdı, hər hökmündə acı var,

Həfəs gəlməz, ciyər şişər, evdə qal.

Aman gündü, virus düşər, evdə qal.

xxx

Bu bəd bəla  gizli gələr, car etməz,

Nə varınnan, nə  yaşınnan ar etməz,

Gecikdinsə dava-dərman kar etməz,

Həkimlərin ha əlləşər, evdə qal

Aman gündü, virus düşər, evdə qal.

xxx

Zarafatı həm sən burax, həm də mən,

Tab etməmiş qol zoruna güvənən,

Biz deyilik təkcə səbri tükənən,

Cana doyub dözür bəşər, evdə qal.

Aman gündü, virus düşər, evdə qal.

xxx

Oqtay tab et,- bu dünyanın yarası,

Ürək dağlar məsum gözün qorası,

Belə qalmaz, tapılacaq çarasi

Zaman keçər, gün dəyişər, evdə qal.

Aman gündü, virus düşər, evdə qal.