KATV1 tərəfindən tibb işçilərinə dəstək

Ölkənin aparıcı kabel televiziyası və İnternet xidmətləri provayderi KATV1, yeni sosial kampaniyaya başlayır. Şirkətdən "OLAYLAR"-a verilən xəbərə görə, koronavirus infeksiyası (COVID-19) ilə mübarizədə iştirak edən və hazırkı karantin rejimində hər birimizin sağlamlığı üçün gecə-gündüz çalışan tibb işçilərinə bir ay pulsuz televiziya və internet xidmətləri təqdim olunacaq.

Şirkətdən o da bildirilib ki, ölkədə tətbiq olunan profilaktik tədbirləri nəzərə alaraq KATV1, abunəçilərinə bir sıra alternativ xidmət kanalları tövsiyə edir.