Turistlərin cığırlardan kənara çıxmaması üçün "çex modeli"
Şahdağ və Hirkan Milli Parklarında çex mütəxəssisləri tərəfindən milli parkların əməkdaşlarına, Dövlət Turizm Agentliyinin və bir sıra turizm şirkətinin nümayəndələrinə treninqlər keçirilib və təyin olunan marşrutlar üzrə nişanlanma işləri aparılıb.
" Şahdağ və Hirkan Milli Parklarında çex mütəxəssisləri tərəfindən milli parkların əməkdaşlarına, Dövlət Turizm Agentliyinin və bir sıra turizm şirkətinin nümayəndələrinə treninqlər keçirilib və təyin olunan marşrutlar üzrə nişanlanma işləri aparılıb.
Olaylar.az xəbər verir ki, bir çox ölkələrdə tətbiq olunan "çex modeli" üzrə turist marşrutlarının nişanlanması işlərinin digər milli parklarda da aparılması planlaşdırılır. Bu nişanlar turistlərin cığırlardan kənara çıxmamasına və marşrut üzrə rahat hərəkət etmələrinə xidmət göstərəcək.
Turizm cığırlarının bu üsulla nişanlanmasının tətbiqi Azərbaycanda ekoturizm fəaliyyətinin müasir standartlara uyğun qurulmasına şərait yaradacaq.
2019-cu ilin əvvəlində Çexiya Respublikasının ölkəmizdəki səfiri və Ekologiya və Təbii Sərvətlər Naziri arasında keçirilmiş görüşdə Azərbaycanın bir sıra milli parklarında turist cığırlarının "çex modeli" üzrə nişanlanmasına razılıq verilib.
