667 əsər Müəllif Hüquqları Agentliyində qeydiyyata alınıb

Azərbaycan Respublikası Müəllif Hüquqları Agentliyində ötən il 354 müəllifin 667 əsəri qeydiyyatdan keçirilib və əsərin qeydiyyatı haqqında 680 şəhadətnamə verilib. “Elektron xidmət” bölməsi vasitəsilə müəlliflərin 40 müraciəti əsasında isə 31 əsər qeydiyyata alınıb.

Azərbaycan Respublikası Müəllif Hüquqları Agentliyində ötən il 354 müəllifin 667 əsəri qeydiyyatdan keçirilib və əsərin qeydiyyatı haqqında 680 şəhadətnamə verilib. "Elektron xidmət" bölməsi vasitəsilə müəlliflərin 40 müraciəti əsasında isə 31 əsər qeydiyyata alınıb.

Bu, Agentliyin 2017-ci ildə görülmüş işlər barədə yekun hesabatında əks olunub. Bununla yanaşı, hesabat ilində 7 müqavilə qeydiyyatdan keçirilib. Əsərlərin və digər əqli mülkiyyət obyektlərinin qeydiyyatına görə dövlət büdcəsinə 3750 manat vəsait ödənilib.

Hesabatda bildirilir ki, əsərlərin rəsmi qeydiyyatının tətbiq edildiyi 1996-cı ildən bu il yanvarın 1-dək Agentlikdə ümumilikdə 11554 əsər və əlaqəli hüquqların obyektləri, o cümlədən "Elektron xidmət" bölməsi vasitəsilə 85 müəllifin 177 əsəri qeydiyyatdan keçirilib. AZƏRTAC