Ucarın 11 kəndində yeni içməli su təchizatı infrastrukturu yaradılıb 

“Əhalinin içməli su ilə təminatının yaxşılaşdırılmasına dair əlavə tədbirlər haqqında” Azərbaycan Respublikası Prezidentinin 17 mart 2017-ci il tarixli Sərəncamına uyğun olaraq Ucar rayonunda həyata keçirilən layihə uğurla yekunlaşıb. “OLAYLAR”-a “Azərsu” ASC-nin mətbuat xidmətindən bildirilib ki, layihə çərçivəsində rayonun. 31 Dekabr- Dünya Azərbaycanlılarının Həmrəyliyi Günü və Yeni il bayramı ərəfəsində kəndlərə içməli suyun verilməsi ilə bağlı açılış mərasimi keçirilib.

"Əhalinin içməli su ilə təminatının yaxşılaşdırılmasına dair əlavə tədbirlər haqqında" Azərbaycan Respublikası Prezidentinin 17 mart 2017-ci il tarixli Sərəncamına uyğun olaraq Ucar rayonunda həyata keçirilən layihə uğurla yekunlaşıb. "OLAYLAR"-a "Azərsu" ASC-nin mətbuat xidmətindən bildirilib ki, layihə çərçivəsində rayonun. 31 Dekabr- Dünya Azərbaycanlılarının Həmrəyliyi Günü və Yeni il bayramı ərəfəsində kəndlərə içməli suyun verilməsi ilə bağlı açılış mərasimi keçirilib.

Ucar rayonunun Müsüslü kəndində keçirilən tədbirdə Ucar rayon icra hakimiyyətinin başçısı Mənsur Məmmədov regionlarda həyata keçirilən kommunal infrastruktur layihələrinin əhəmiyyətindən danışıb. Bildirib ki, Şirvan bölgəsində yerləşən Ucar rayonunda məhsuldar su mənbələri olmadığından içməli su təchizatı həmişə aktual olub. Son illər həyata keçirilən layihələr çərçivəsində rayon mərkəzi ilə yanaşı, bəzi kəndlərə də keyfiyyətli suyun verilməsi təmin edilib.

"Azərsu" ASC-nin sədr müavini Seymur Seyidov regionların sosial-iqtisadi inkişafı dövlət proqramı çərçivəsində icra olunan içməli su layihələri barədə məlumat verib. Bildirib ki, Külüllü su qurğuları kompleksinin tikintisi və ətraf rayonlara magistral su xətlərinin çəkilməsi Şirvan bölgəsində 200 minədək sakinin keyfiyyətli içməli su ilə təminatına imkan yaradıb. Sədr müavini ölkə başçısının sərəncamına əsasən 170 kənddə su təchizatı infrastrukturunun yaradıldığını və kəndlərin böyük əksəriyyətinə içməli suyun verildiyini bildirib, bu sahədə işlərin növbəti illərdə də davam etdiriləcəyini vurğulayıb.

Qeyd edək ki, yeni su təchizatı layihələrindən Ucar rayonunun 11 kəndinin 21 min nəfər sakini faydalanıb.