Səhiyyə Nazirliyinin rəsmiləri Fəxri Xiyabanı ziyarət ediblər

Mayın 10 - da müstəqil Azərbaycanın memarı və qurucusu, görkəmli dövlət xadimi, xalqımızın dahi oğlu və ümummilli lideri Heydər Əliyevin anadan olmasının 94-cü ildönümüdü. Bu əlamətdar gündə Azərbaycan xalqının xilaskarı, müasir müstəqil dövlətimizin banisi, ümummilli lider Heydər Əliyevin anadan olmasının 94-cü ildönümü münasibətilə geniş təbirlər keçirilir, dahi şəxsiyyətin vətən və dövlət qarşısındakı xidmətləri minnətdarlıqla xatırlanır. Hər doğum günündə olduğu kimi, bu gün də Səhiyyə Nazirliyinin rəsmiləri, nazilrliyin kollegiya üzvləri, Elmi-Tədqiqat İnstitutların, səhiyyə müəssisələrinin nümayəndələri ümummilli liderin doğum günü ilə əlaqədar Fəxri Xiyabanı ziyarət edərək görkəmli dövlət xadiminin məzarı üzərinə əklil qoyublar. Dahi şəxsiyyətin xatirəsi ehtiramla yad edilib.