Rusiyada göyərtəsində 39 sərnişin olan təyyarə yerə çırpıldı - 3 hissəyə bölündü
19 Dekabr 2016 10:00 SosialMilli.Az Lenta.ru-ya istinadən xəbər verir ki, qəza yerinə xilasedicilər, həkim briqadaları və üç Mi-8 vertolyotu göndərilib.
RİA Novosti bildirir ki, təyyarənin qəzaya uğramasına səbəb sərt və çətin hava şəraiti olub.
Lent.az xəbərinə görə isə İl-18 təyyarəsinin qəzaya uğraması nəticəsində sağ qalanların sayı 6 yox, 4 nəfərdir.
Təyyarə Rusiya Müdafiə Nazirliyinə məxsusdur.
---------
09:34
Rusiyada təyyarə qəzası baş verib.
Milli.Az-ın report-a istinadən məlumatına görə, bu barədə "TASS" agentliyi hüquq-mühafizə orqanlarına istinadən xəbər verib.
Məlumata görə, hadisə Yakutiyada, Bulunsk rayonunda qeydə alınıb. Belə ki, göyərtəsində əsasən hərbçilərdən ibarət 32 sərnişinin və 7 ekipaj üzvünün olduğu, Kolsovo aeroportundan Yekaterinburqa uçan İl-18 təyyarəsi Tiksi qəsəbəsinin 27-ci kilometrliyində qəzaya uğrayıb.
Qəza nəticəsində cəmi 6 nəfər sağ qalıb. Hazırda xəsarət alanlar təxliyə edilir.
"RİA Novosti" isə qəza zamanı təyyarənin 3 hissəyə ayrıldığını, lakin yanmanın olmadığını xəbər verib.
-----------
09:19
Yakutiyanın Bulunski rayonunda baş verən təyyarə qəzasında 6 nəfərin sağ qaldığı bildirilir.
Trend TASS-a istinadən xəbər verir ki, təyyarənin göyərtəsində 32 sərnişin və yeddi ekipaj üzvü olub. Təyyarədə hərbçilərin olduğu bildirilir.
Hazırda xəsarət alanlar evakuasiya edilir.
----------
09:02
Rusiyanın Yakutiya şəhərində göyərtəsində 39 sərnişin olan təyyarə qəzaya uğrayıb.
Trend bu barədə RİA Novosti agentliyinə istinadən xəbər verir.