GIN-dən gənclərə çağırış
Gənclər və İdman Nazirliyi yaradıcı və həvəskar gəncləri 10-20 avqust tarixləri arası “Daşkəsən Gənclərin Təlim və İstirahət Mərkəzi”ndə ilk dəfə olaraq gerçəkləşəcək “Yaradıcılıq emalatxanası” adlı düşərgəyə dəvət edir. Nazirliyin mətbuat katibliyindən “OLAYLAR”-a bildirilib ki, 7 Sahəni- təsviri sənət, foto, müasir rəqs, aktyorluq, rejissorluq, estrada ifası, telejurnalistikanı əhatə edəcək düşərgədə, yaşı 18-23 arası olan gənclər iştirak edə bilər.
14 İyul 2016 16:59 SosialGənclər və İdman Nazirliyi yaradıcı və həvəskar gəncləri 10-20 avqust tarixləri arası "Daşkəsən Gənclərin Təlim və İstirahət Mərkəzi"ndə ilk dəfə olaraq gerçəkləşəcək "Yaradıcılıq emalatxanası" adlı düşərgəyə dəvət edir. Nazirliyin mətbuat katibliyindən "OLAYLAR"-a bildirilib ki, 7 Sahəni- təsviri sənət, foto, müasir rəqs, aktyorluq, rejissorluq, estrada ifası, telejurnalistikanı əhatə edəcək düşərgədə, yaşı 18-23 arası olan gənclər iştirak edə bilər. Düşərgədə yaradıcılıq emalatxanaları, yaradıcılıq müsabiqələri, ustad dərsləri, ekspertlər ilə görüşlər, eləcə də gənclər üçün əyləncəli proqramlar - kinoseans, diskoteka, karaoke, gülüş axşamları, masaüstü oyunlar, intellektual oyunlar, tonqal ətrafı yaradıcılıq gecələri, konsert proqramları təşkil olunacaq. Ümumilikdə 70-80 gəncin iştirak edəcəyi düşərgədə məşhur şəxslərin gənclərlə görüşü, fikir mübadilələri aparmaları və təcrübələrini bölüşmələri nəzərdə tutulub.
Qeyd edək ki, gənclərin "Yaradıcılıq emalatxanası" düşərgəsində iştirakı pulsuzdur.