Dilçilik İnstitutunda qədim erməni dili üzrə magistr ixtisası açılıb

Azərbaycan Milli Elmlər Akademiyasının (AMEA) Nəsimi adına Dilçilik İnstitutunda qədim erməni dili ixtisası üzrə magistratura pilləsi açılıb. Bu barədə  Dilçilik İnstitutunun mətbuat xidmətindən məlumat verilib.

İnstitutdan bildirilib ki, qədim erməni dili ixtisası üzrə magistratura pilləsi Azərbaycan prezidenti İlham Əliyevin 9 aprel 2013-cü il tarixli "Qloballaşma şəraitində Azərbaycan dilinin zamanın tələbinə uyğun istifadəsinə və ölkədə dilçiliyin inkişafına dair Dövlət Proqramı"na əsasən açılıb.

Qeyd olunub ki, ötən il Dilçilik İnstitutunda 3 nəfər latın, sanskrit və yunan dilləri üzrə magistraturaya qəbul olub. Eyni zamanda, bu il qədim iber, qədim erməni və toponimiya ixtisasları üzrə magistr təhsili institutda həyata keçiriləcək.

Təklifinizi, şikayətinizi bizə yazın. Sizi dinlərik. 050 333 88 00