Aİ NATO Müqaviləsinin 4-cü maddəsinə bənzər təhlükəsizlik protokolunu müzakirə edir- ÖZƏL

Olaylar.az xəbər verir ki, Financial Times (FT) qəzetinin məlumatına görə, Aİ müdafiə nazirləri bazar ertəsi günü Şimali Atlantika Müqaviləsinin 4-cü maddəsinə bənzər yeni təhlükəsizlik protokolu yaratmaq üçün Avropa Komissiyasının təklifini müzakirə edəcəklər. Nəşrin qeyd etdiyi kimi, mexanizmin Aİ ölkələrinə hücumlar halında işə salınması və cavab tədbirlərinin əlaqələndirilməsini asanlaşdıracağı gözlənilir. NATO Müqaviləsinin 4-cü maddəsi, müttəfiq öz təhlükəsizliyinə təhdid edildiyini düşündüyü təqdirdə də tətbiq olunur.
Lakin, FT-yə görə, bir sıra avropalı diplomatlar yeni protokolun potensial funksiyalarına şübhə ilə yanaşırlar. Onlar həmçinin mexanizmin NATO prosesləri ilə rəqabət apara biləcəyindən və təkrarlanan qərar qəbuletmə yolları yarada biləcəyindən qorxurlar.