Rumıniya prezidenti ABŞ-ın Avropada əhəmiyyətli hərbi iştirakının təmin edilməsinə çağırıb- ÖZƏL

Olaylar.az xəbər verir ki,  Rumıniya Prezidenti Nikusor Dan CNN- ə verdiyi müsahibədə ABŞ-ın Avropada əhəmiyyətli bir hərbi mövcudluğunun saxlanılmasını dəstəklədiyini bildirib.
O, hazırda Rumıniyada təxminən 1500 Amerika əsgərinin yerləşdiyini, Rumıniya, Bolqarıstan və Macarıstanda yerləşən təxminən 500 əsgərdən ibarət rotasiya kontingentinin isə geri çəkildiyini aydınlaşdırdı. "Amerika Birləşmiş Ştatları ilə yaxşı hərbi və diplomatik münasibətlərimiz olduğu üçün düşünürəm ki, Amerika qoşunlarının Avropa daxilində mütənasib paylanması yaxşı bir siqnal olardı", - deyə o bildirib.
Rumıniya prezidenti Ukraynaya yardımın artırılmasını və Rusiyaya qarşı sanksiyaların sərtləşdirilməsini müdafiə etdi. O qeyd etdi ki, Rumıniya Ukraynaya hərbi yardım göstərir, o cümlədən raketdən müdafiə sistemləri, eləcə də qaçqınları qəbul edir və Ukrayna taxılının tranzitini asanlaşdırır.