Otar Partsxaladze: Gürcüstan əhalisinin ağlıbaşında hissəsi Rusiyaya nifrət təbliğatına uymadı – ÖZƏL

Olaylar.az xəbər verir ki, Gürcüstanın keçmiş baş prokuroru Otar Romanov-Partsxaladze Rusiyanın TASS dövlət informasiya agentliyinə müsahibəsində bildirib ki, Qərbin Gürcüstanda Rusiyaya qarşı nifrət aşılamaq cəhdlərinə baxmayaraq, ölkə əhalisinin düşüncəli hissəsi bu təsirə düşməyib. Keçmiş baş prokuror vurğulayıb ki, Rusiya dövlətçiliyin qorunub saxlanılması kimi ən çətin anlarda həmişə Gürcüstanın yanında olub və gürcülər saxta Qərb narrativlərinin deyil, tarixi həqiqətin tərəfində duracaqlar. 

Qeyd edək ki, Partsxaladze Rusiyada Gürcüstan tarixi üçün mühüm əhəmiyyət kəsb edən Georgiyevsk müqaviləsinin şərəfinə adlandırılmış "Georgiyevski" adlı könüllü dəstəsi yaradıb.