Geqam Manukyan: Ermənistan acınacaqlı vəziyyətdədir – ÖZƏL

Olaylar.az xəbər verir ki, Ermənistanın "Ermənistan" blokundan olan deputatı Geqam Manukyan Rusiya Prezidenti Vladimir Putin və Baş nazir Nikol Paşinyanın Bişkekdəki görüşünü şərh edərkən ölkənin hazırda acınacaqlı vəziyyətdə olduğunu bildirib. Onun sözlərinə görə, Rusiya rəhbəri diplomatik protokoldan kənara çıxaraq kamera qarşısında açıq, sərt ifadələrlə Ermənistan hökumət başçısına öz narazılığını bildirib. 

Deputat vurğulayıb ki, Ermənistan hakimiyyəti ilk növbədə Rusiyada yaşayan, çalışan və oraya məhsul ixrac edən vətəndaşları haqqında düşünməlidir. Manukyan Nikol Paşinyanın yürütdüyü mövcud siyasəti "əyalət diribaşlığı" kimi xarakterizə edib.