ABŞ ilə neft müqaviləsi Venesuelanın gələcəyinə böyük təsir göstərəcək - Delsi Rodriges

Venesuelanın prezidenti vəzifəsini icra edən Delsi Rodriges ABŞ ilə neft müqaviləsinin Venesuelanın gələcəyinə böyük təsir göstərəcəyini bildirib.

O bu barədə ABŞ ilə neft müqaviləsi barəsində çıxışında deyib:

"Dünən biz ABŞ hökuməti ilə orta və uzunmüddətli perspektivdə bütün venesuelalıların həyatına böyük təsir göstərəcək tarixi bir müqavilə barəsində elan etdik.

Biz firavan gələcəyin Venesuelasına sadiqik ki, biz venesuelalılar bir il, beş il, on il, əlli il ərzində gələcəyə baxa bilək, biz gələcəyin Venesulası haqqında düşünürük.

Hamının bildiyi kimi, ölkəmiz dünyada ən böyük neft ehtiyatlarına malikdir, lakin yeraltı ehtiyatlara sahib olmaq kifayət deyil. Bu sərvəti xalqımızın rifahına çevirmək üçün investisiya, texnologiya, infrastruktura və istehsal gücünə ehtiyacımız var. Neft ehtiyatlarımızı sadəcə statistikada və ya mühasibat uçotunda görünəcək şəkildə yeraltında saxlamaq mənasızdır və biz onları Venesuela üçün inkişafa çevirə bilməsək də, "Biz dünyanın ən böyük ehtiyatlarına malik ölkəyik" deyə bilərik. Ehtiyatlarımız bu ölkə üçün rifaha, firavanlığa və xoşbəxtliyə çevrilməli, istehsal gücümüzü bərpa etməyə və özümüzü enerji və istehsal gücü kimi möhkəmləndirməyə imkan verməlidir".

Rodriges Venesuelanın neft ehtiyatlarından istifadənin ölkənin inkişafına və enerji potensialının gücləndirilməsinə xidmət etməli olduğunu vurğulayıb:

"Dünyanın ən böyük neft ehtiyatına malik ölkəsi olduğumuzu deyə bilmək üçün, yeraltı neft ehtiyatlarımızın yalnız bir statistikada və ya mühasibat uçotunda görünməsinin heç bir faydası yoxdur, bir halda ki, biz bunu Venesuela üçün inkişafa çevirə və ötürə bilmirik. Bizim ehtiyatlarımız bu ölkə üçün rifaha, firavanlığa və xoşbəxtliyə çevrilməli, həmçinin enerji və istehsal gücü kimi mövqeyimizi möhkəmləndirmək üçün bizə istehsal potensialımızı bərpa etməyə imkan verməlidir.

Bu yolla biz xalqımız üçün təkcə daha yaxşı gəlir, ictimai xidmətlər, səhiyyə, təhsil və yol infrastrukturu yaratmırıq, həm də yarımkürənin enerji təhlükəsizliyinə töhfə verir və daha balanslı, sabit beynəlxalq enerji bazarının formalaşmasına kömək edirik".

Delsi Rodriges ölkəsinin ABŞ ilə əldə etdiyi razılaşmanın tərəflərin imkanlarının birləşdirilməsinə əsaslandığını qeyd edib:

"Bu razılaşma çox sadə bir prinsipə əsaslanır: hər bir tərəf ən yaxşı bacardığı şeyi ortaya qoyur. Venesuela neft, öz sənayesini və işçilərinin yüz ildən artıq olan təcrübəsini təqdim edir. Amerika Birləşmiş Ştatları isə bu aktivlərin bərpası və inkişafı üçün zəruri olan kapital və texnologiyanı təmin edir. Bunun müqabilində Venesuela hasilat, məşğulluq, infrastruktura investisiya, dövlət üçün daha yüksək gəlirlər və yerli sənaye üçün istehsal zəncirləri əldə edir.

Faydaları saymaqla bitmir. 25 illik müddətə imzalanmış bu ikitərəfli layihə gündəlik hasilat hədəfi 1,5 milyon bareldən çox olan 17 strateji yatağın işlənilməsini nəzərdə tutur. Bu, yalnız Venesuela ilə Amerika Birləşmiş Ştatları arasındakı ikitərəfli razılaşma sayəsindədir. Lakin bizim hədəfimiz daha böyükdür: digər büyük şirkətlərlə, o cümlədən Chevron, Repsol, Eni, Shell, BP və başqaları ilə vacib müqavilələr imzalayaraq enerji gücünə, böyük neft istehsalçısına, mühüm qaz ixracatçısına çevrilmək və yerli neft-kimya sənayesini yüksək səviyyədə inkişaf etdirmək istəyirik".

Rodriges razılaşmanın Venesuelaya gətirəcəyi gəlirlərə də toxunaraq konkret rəqəmlər açıqlayıb:

"Və burada hər bir Venesuela vətəndaşının soruşmağa tam haqqı olduğu qanuni bir sual yaranır: Venesuela nə qədər qazanır? Bir barelin qiymətini 65 dollar (bu qiymət arta və ya azala bilər) əsas götürülsə, ölkəmizin gəlirləri Venesuela dövləti üçün ümumilikdə 209 milyard 335 milyon dollara çatacaq. Konkret ifadə etsək, bu, hasil edilən və satılan hər bir bareldən təxminən 19 dolların birbaşa ölkəmizə daxil olması deməkdir.

Son olaraq xatırlatmaq istəyirəm: Orinoko Neft Qurşağı dörd yaşıl sahənin işlənilməsi üzrə böyük layihə 30 il əvvəl neft sənayesinin özəlləşdirilməyə açılması dövründə 1% royalti (mədən vergisi) və 34% mənfəət vergisi ilə strateji tərəfdaşlıqlar çərçivəsində reallaşdırılmışdı. Bu ikitərəfli layihə isə Faha ərazisində minimum 16% royalti və 34% mənfəət vergisi ilə səkkiz yaşıl sahənin (greenfields) işlənilməsini nəzərdə tutur".