Bişkekdə Paşinyan və Putin arasında gərgin danışıqlar gözlənilir: Ekspertlərin təhlili – ÖZƏL

Olaylar.az xəbər verir ki, Şanxay Əməkdaşlıq Təşkilatının (ŞƏT) Bişkekdə keçirilən sammiti çərçivəsində Ermənistanın Baş naziri Nikol Paşinyan və Rusiya Prezidenti Vladimir Putin arasında ikitərəfli görüş planlaşdırılır. Ermənistanlı politoloq Qriqor Balasanyanın sözlərinə görə, tərəflər arasında gözlənilən müzakirələr kifayət qədər gərgin xarakter daşıyacaq.

Görüş ərəfəsində Rusiya XİN və Kremlin nümayəndələrinin verdiyi kəskin bəyanatlar Moskva ilə İrəvan arasında qapalı qapılar arxasında çətin söhbətin olacağından xəbər verir. Nikol Paşinyanın Ermənistanın Avropa İttifaqına (Aİ) üzvlük müraciəti hazırlaması barədə bəyanatı iki ölkə arasındakı münasibətləri daha da kəskinləşdirib. Ekspertlər bu danışıqlardan sonra Rusiya bazarının Ermənistan malları üçün açılması kimi hər hansı müsbət irəliləyişin olacağını istisna edirlər.

Şərhçilər bildirirlər ki, Ermənistan rəhbərliyi Aİ-yə inteqrasiya məsələsini ümumxalq referendumuna çıxarmadan birtərəfli qaydada qəbul edib.

"Ermənistan hakimiyyəti Avrasiya İqtisadi İttifaqından (EƏB) çıxmaq qərarını artıq verib. Lakin ictimai narazılıqdan yayınmaq üçün onlar bu addımın Ermənistan tərəfindən deyil, digər üzv ölkələr tərəfindən atılmasını və ölkənin təşkilatdan xaric edilməsini gözləyirlər." - Qriqor Balasanyan